Lel Ap Sileman. Ap Sileman şeşti u şeş seri bi u piyayede zaf çetin bi. Derg bi, wini derg bi ke bejna derge sey dare bibi çewt, por ser a bibi sipi, vere çiman de zi verçimikede qalindi bi. Ap Silemani dewijane xo ra zaf hes kerdene labele ciranane xo Xidiri ra pitik biyene. Vist u şeş sere ra ziyade yo ke inan yewbin de tesere nekerdene. Koti yewbini bivinitene ca de erziyayene yewbini u yewbini werdene, qedenayene. Meseleda girane miyane inan de biye coka her diyan qet yewbini ra hes nekerdene. Her di ki zeriya xo kerdibi Xezale labele Xidiri bi zuran, bi hile u fesadiye Xezale Silemani ra ver pi ra waştibi u girewtibi. Goreye vatişe taye dewijan zi xora Xezale bi xo Xidir girewtibi. Edi sebeb çi bo zi seba Ap Silemani manaya xo yewe biye, nevuriyayene.